Янка Купала

Не ўздыхай, не бядуй, брат замучаны мой!
      I жыцця не кляні, не кляні!
Думу-песню запей, стань адважнай ступой.
      Яшчэ раз не засні, не засні!

Хоць за хмараю хмара плыве чарадой,
      Сільней хмар — гэта сонца агні.
I ты, брат, не бядуй, рвіся к сонцу душой,
      Яшчэ раз не засні, не засні!

Болей крыжам адным — гэта цень прад зарой,
      А там лепшыя новыя дні!
Дык не плач жа, брат мой, запей песню са мной!
      Яшчэ раз не засні!