З новай думкай

Сярэдняя: 4.8 (4 галасоў)
З новай думкай, з новай песняй
      Выйдзеш ты на нівы,
Беларусе, напрадвесні,
      Браце мой цярплівы.

Засяваці будзеш зернем,
      Як бурштын, адборным,
I ніхто цябе не зверне
      Са шляхоў прасторных.

Думкі пабягуць іначай
      Цераз долы, горы,
Ты сягоння тое ўбачыш,
      Што не бачыў ўчора.

Будзе свет табе вясёлым,
      Весялей з днём кожным,
Не пабачыш навакола
      Злыбяды астрожнай.

Будзеш важна паглядаці,
      Як у цябе дома
На куце сядзіць багацце,
      Нібы госць вядомы.

Пра дзень заўтрашні пакінеш
      Думаць думкі ў горы,
Дабром поўны будуць скрыні,
      Жывёлай — аборы.

Біць не будзе пан вяльможны
      З твайго ж лесу палкай,
Што ты быў неасцярожны,
      Зняць забыўся шапку.

Знаць не будзеш ты век-векам
      Нядолі абрыдлай,
Звацца будзеш чалавекам,
      А не панскім быдлам.

Ў добрай долі і прыгодзе,
      Радасны, шчаслівы,
Жыць ты будзеш у свабодзе,
      Браце мой цярплівы.

Памяці Эдуарда Самуйленка

Сярэдняя: 3.7 (3 галасоў)

Дружа мой, сокале ясны, крылаты,
Крыллі навекі апалі твае, —
Ты ўжо не прыйдзеш на нашыя святы,
Голас твой песень для нас не спяе.

Слёзамі дожджык пальецца на грудзі,
Насып-магілку абсыпе расой, —
Слёзы высушываць сонейка будзе,
Сонейка будзе заўсёды з табой.

Восенню кветкі завянуць у полі,
Кветцы засохшай ізноў не цвісці, —
Думкі твае не завянуць ніколі,
Думкі аб нашым прыгожым жыцці.

Ты мне песню спей, дзяўчына...

Сярэдняя: 3 (2 галасоў)

Ты мне песню спей, дзяўчына,
Як у пана ты служыла,
Чаму смутна, бедачына,
Накрыж ручанькі злажыла?

Уставала рана,
Лажылася позна,
I ў сне чула панаў
Голас хрыплы, грозны.

З горкай, цяжкай долі,
У пякельнай нетры,
Як былінка ў полі,
Гнулася ад ветру.

Ты мне песню спей, дзяўчына,
Як ты пану жыта жала,
Як згібала крукам спіну,
I аб чым тады спявала.

Ой, цяжка дзяўчыне
Жаць поле чужое,
На марнае гіне
Жыццё маладое.

Ой, цяжка днём, ночай
Рабіці на пана,
Ліць слёзы дзявочы
Ад рана да рана.

Ты мне песню спей, дзяўчына,
Як цябе за тваю працу
На бадзянне сірацінай
Выгнаў пан зімой з палаца.
Ты мне спей!..

Мне понравилось, что на авто КИА Спортейдж цена на этом сайте достаточно приемлемая.

Як нас знаходзяць

-

Апошнiя водгукi

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі