Паляці, мая мысль...

Сярэдняя: 5 (1 голас)

Паляці, мая мысль,
Лётам сокала
I прагледзь гэты свет
Кругом-вокала.

Лётам светлай зары
Па-над стрэхамі —
Сып надзеяй жывой
I пацехамі.

Пей аб волі людзям
Думкі цудныя,
Уміляй іх жыцця
Сцежкі трудныя.

Залатыя сны ім
Няхай рояцца;
Няхай жаль на душы
Супакоіцца.

Гоняць хай ад сябе
Цьмы нядольныя,
I рука у руку
Пойдуць вольныя.

Так ляці, эй, ляці,
Мысль свабодная!
А ты міла спаткай,
Зямля родная.

Як нас знаходзяць

-

Апошнiя водгукi

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі