Янка Купала

Муха лётае па хаце
      I шукае стравы,
А павук снуе ўжо сетку,
      У куце над лавай.

Малачка ці крошку хлеба
      Знайсці муха хоча,
I вось беленькага цукру
      Ўбачыла кусочак.

Села, хобацік уткнула,
      Цукар ссе паволі,
А наеўшыся, ўзнялася,
      Лётае уволю.

Муха лётае навокал,
      У куток імкнецца,
I не ўспела азірнуцца,
      Як ужо у сетцы.

Дарма тузаецца муха,
      Парваць сетку хоча,
Ўжо нічога не паможа,
      Ўжо павук засмокча.