Прарок

Сярэдняя: 4.8 (28 галасоў)

Сярод маны, сярод насмешкаў,
Знак нейкі тулячы к грудзям,
Ішоў прарок пясчанай сцежкай
З навукай новаю к людзям.

Праціўны вецер лез у вочы
I плачам пеў, як дзіцянё,
Звяр'ё зубамі йграла ўночы,
Днём выла ў небе груганнё.

А ён, не знаючы граніцаў,
Ішоў, хістаючысь наўслонь;
Агонь біў толькі з-пад зраніцаў,
Вялікіх праўд святы агонь.

Душа палала дзіўным жарам,
Бы з зораў выснутая ніць,
Што свет магла б сваім пажарам
Абвіць і к сонцу ўваскрасіць.

Ужо з сваім аклічным словам
Прарок далёка быў вядом,
Народу шмат збудзіў к дням новым,
Даў славу братнюю братом.

Аж так дасяг – аквечан хвалай –
Зямлі забранай сумных хат,
Дзе царства цемры панавала,
Дзе сілу ўзяў над катам кат.

Народ змарнеўшы таго краю
Свайго нат імені не знаў,
Як непатрэбшчына якая,
Гібеў на свеце і канаў.

Галовы людзі пахіліўшы,
Зямлю капалі, як краты,
Ўтапіўшы ў мёртвай ночнай цішы
Усе жаданні яснаты.

Прарок – пасол святла – ў загону
Людзей убачыўшы такім,
Маячыць стаў ім, як шалёны,
Прарочым голасам сваім:

«Паўстаньце, рабскія натуры,
Пакіньце свой адвечны сон,
Загаманіце віхрам, бурай,
Каб ажна дрогнуў ваш палон!

Глядзіце: прадзедавы косці
Ў зямлю калісь за вас ляглі,
А вы, як збэшчаныя госці,
Пракляццем сталі той зямлі.

Дзе вашы песні жыватворны?
Дзе ў вас прарокі й дудары,
Што над пагібельнасцяй чорнай
Віталі б полымем зары?

Забылі ўсё, згубілі долю,
Змяшалі славы цвет з гразёй
I запрадаліся ў няволю,
З душой і скурай счэзлі ў ёй.

Пара у рукі браць паходні,
Ўставаць, ісці, ноч рассвятляць!
Бо што не возьмеце сягоння,
Таго і заўтра вам не ўзяць.

Назло крывавым перашкодам
Скідайце ёрмы, клічце сход,
I дайце знаць другім народам,
Які вы сільны йшчэ народ!

За мной, за мной, забраны людзе!
Я добрай доляй послан к вам
I знаю, што было, што будзе,
I вас у крыўды не аддам».

Так гаварыў і з рабства клікаў
Людзей на волю той прарок,
Ждучы з трывогаю вялікай
Ад іх адказу неўнарок.

А людзі, глянуўшы на сонца,
Адказ казалі грамадой:
– Па колькі ж нам дасі чырвонцаў,
Калі мы пойдзем за табой?

Актуальна і праз сто год

Актуальна і праз сто год

У гэтым,нажаль,наш беларуски

У гэтым,нажаль,наш беларуски народ....

Як нас знаходзяць

  • https://yandex.ru/clck/jsredir?from=yandex.ru%3Bsearch%3Bweb%3B%3B&text=&etext=1823.GpENABdfSGH63Ho1IHX8rN5jA1efXYTnXR1-ybh3k0GD-PpA8MN0jyb5FNc2f5yN.1a07118dfdd7fd0ba292321173d2fdd32ab153e3&uuid=&state=_BLhILn4SxNIvvL0W45KSic66uCIg23qh8iRG98qeIXmeppkgUc0YCYBcIrWNUha-mUlBiA3OhY&data=UlNrNmk5WktYejR0eWJFYk1LdmtxaW83WER2SDg5Rnoxc1BPQVZOUlZ2NndpNm1nYkVCTEtiSW9pQS1BZ3RBenBQYy0welZPSGhKTC1TU0tHTFVQcEFKM3NrTE1fSGxyaEJtdEM5a1VfT0RWenJFdnZZN3d3QQ&b64e=2&sign=c6d6bc368cb9a6bd6c7147f8192ac689&keyno=0&cst=AiuY0DBWFJ7IXge4WdYJQa9gkHE_3kbi7vbU-GzdHJdgY3jQ4BxcCAgSf-KKpoo3U3QseimC_M2J6pwYjkEBmm1VyqSUTYAFgQV12ZoM3XUg_YOy5KZ9W2Jktkx8t3J92HGiMN4tv9xkpDzy_taxfJBjMIr-DwDj&ref=orjY4mGPRjk5boDnW0uvlrrd71vZw9kp5uQozpMtKCV-HtQ36UFK06FY-rdza5EddQIbjeBEd_Q_59B_JtcUUijEPkCTwwT7D00XNKeODnjHycMQkEmcbAyGBQvT-vX8&l10n=ru&cts=1529350104330&mc=0

Апошнiя водгукi

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі