Я нясу вам дар...

Яшчэ не ацэнена
Я нясу вам дар
Братніх скіб і сяліб,
Смутных сосен і ліп,
Думак дар, сэрца жар, —
Вольных, звонкіх песень чар.
       Гэй! нясу вам дар!
       Гэй! гэй! гэй!

Хай жа песня ўсюды льецца,
    Ў сэрцах вашых адгукнецца,
Ззіханецца, ўскалыхнецца,
       Як звон той,
       Як свой!

А хто брат мне тут і друг,
Ладзь-наладзь душу і слух
I за песняй думкай скоч
Там, дзе Нёман, Дзвіна, Буг
Точаць наша поле, луг,
Дзе шумяць у свет далёкі
Белавежа, Налібокі
       Дзень і ноч,
       Думкай скоч!

Прымі дар, сэрца жар,
Вольных, родных песень чар!
       Гаю, гаю, гэй!

Як нас знаходзяць

-

Апошнiя водгукi

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі