Як у лесе зацвіталі
Ліпы ды каліна, –
Залатыя сны снавалі
Мы з табой, дзяўчына.
Калыхаліся, шумелі
Вольныя бярозы,
Шапацелі, шалясцелі
Трыснягі ды лозы.
Як у жыце наліліся
Каласкі нагінна, –
Сустрэліся, абняліся
Мы з табой, дзяўчына.
Мігацелі, зіхацелі
У пракосах косы,
Заміралі кветкі, зелле,
Заміралі росы.
Як даспела, счырванела
Ягада-рабіна, –
Ўвокал глянулі нясмела
Мы з табой, дзяўчына.
Верасы пад лісцем спалі,
Бор зялёны гнуўся,
Недзе пелі ў цёмнай далі
Журавы ды гусі...
Апошнiя водгукi
2 года 13 недель назад
2 года 26 недель назад
2 года 28 недель назад
2 года 28 недель назад
2 года 44 недели назад
2 года 51 неделя назад
3 года 2 дня назад
3 года 13 недель назад
3 года 14 недель назад
3 года 14 недель назад