За свабоду сваю...

Сярэдняя: 4.8 (6 галасоў)
За свабоду сваю
Ўсёй душой пастаю;
      У агонь, у ваду
      Я за ёю пайду.

Лепей сам сябе дам
Пахаваці людзям,
      Як свабоду хаваць,
      Злыбядзе аддаваць.

Ў сэрцы, ў думках сваіх
З самых лет маладых
      Я яе ўзгадаваў
      I сваёю назваў...

Гэй ты, гэй, вецер, пей
А свабодзе маей!
      Гэй ты, гэй, бор, шумі,
      А свабодзе грымі!

Гэй ты, сонца, гары
Ад зары да зары,
      Ланцугі распалі
      Па ўсёй чыста зямлі!..

Як нас знаходзяць

-

Апошнiя водгукi

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі